«Լիվերպուլը» մտադիր է «Բարսելոնա» տեղափոխվող Լուիս Սուարեսի փոխարեն ակումբը հրավիրել «Սուոնսիի» հարձակվող Վիլֆրիդ Բոնիին:
Երեկ «կարապների» նախագահ Հյու Ջենկինսը հայտնեց, որ Բոնիի տրանսֆերի հետ կապված «Լիվերպուլն» իրենց չի դիմել: Սակայն Daily Mirror պարբերականը վստահեցնում է, որ այժմ «կարմիրների» տրանսֆերային գլխավոր նպատակը հենց Բոնին է:
Առաջիկա ժամերի ընթացքում Պրեմիեր Լիգայի նախորդ մրցաշրջանի լավագույն ռմբարկու Լուիս Սուարեսը կտեղափոխվի «Բարսելոնա»: «Լիվերպուլը» կորցնում է հարձակման գծում իր առաջատարին, սակայն Բրենդան Ռոջերսն ունի դրա լուծումը:
Աղբյուրի հաղորդմամբ, 25-ամյա իվուարցու պայմանագրով «կարապները» նրան բաց կթողնեն 19 մլն ֆունտի դիմաց: Բոնին այնքան էլ չի ցանկանում հեռանալ «Սուոնսիից», սակայն Չեմպիոնների Լիգայում հանդես գալու հնարավորությունը կարող է ստիպել ընտրել «Լիվերպուլը»:
