«Տոտտենհեմի», «Մանչեսթեր Յունայթեդի», «Ֆուլհեմի», «Նյուքասլի», «Էվերթոնի» և «Սանդերլենդի» նախկին հարձակվող Լուի Սահան կարծում է, որ «խթանները» կարող են հաղթել Պրեմիեր լիգան այս մրցաշրջանում:
Չնայած ակումբի պատմության լավագույն ռմբարկուին՝ Հարի Քեյնին, կորցնելու փաստին, «Տոտտենհեմը» հուսադրող խաղ է ցուցադրում 2023/24 մրցաշրջանի սկզբում: «Խթանները» 12 հնարավորից վաստակել է 10 միավոր՝ ցուցադրելով հարձակողական փայլուն ֆուտբոլ։
Անգե Պոստեկողլուի գլխավորությամբ «Տոտտենհեմի» այսպիսի ուժեղ մեկնարկը Սահային լավատեսորեն է տրամադրում գալիք ամիսներին: Լուին «խթաներին» տեսնում է չեմպիոնական տիտղոսի իրական հավակնորդ:
«Կարո՞ղ է «Տոտտենհեմի» այս թիմը տիտղոսներ նվաճել: Այո, որովհետև անհնարին ոչինչ չկա: Նրանք ունեն մեծ կազմ, նրանք շատ լավ են խաղում, և մենք արդեն տեսել ենք «Լեսթերի» հաղթանակը Պրեմիեր լիգայում: «Տոտտենհեմը» կարող է: Սակայն այս մրցաշրջանում չեմ կարծում, որ նրանք կկարողանան նվաճել չեմպիոնական տիտղոսը».
«Տոտտենհեմը» շատ որակյալ խաղացողներ ունի։ Նրանց մարզիչը նորեկ է անգլիական ֆուտբոլում, բայց դա շատ լավ է, որ մինչ «Տոտտենհեմը» նա աշխատել է տարբեր երկրներում։
«Հուսով եմ, որ «Տոտտենհեմը» կարող է հետևողական լինել այս մրցաշրջանում և մրցակցել «Մանչեսթեր Սիթիի», «Արսենալի», «Մանչեսթեր Յունայթեդի» և մյուսների հետ»,- ասել է Սահան Betfred-ին տված հարցազրույցի ժամանակ։
