«Էվերթոնի» ռմբարկու Ռոմելու Լուկակուն հայտնել է, որ իր նպատակն է՝ ընթացիկ մրցաշրջանում ավելի շատ գոլեր խփել, քան «Չելսիի» բոլոր հարձակվողները միասին վերցրած:
Ներկա պահին «Չելսիի» երեք հարձակվողներ Սամուել Էտո’Օն, Դեմբա Բան և Ֆերնանդո Տորրեսը Պրեմիեր Լիգայի ընթացիկ մրցաշրջանում գոլ չեն խփել, այն դեպքում, երբ Լուկակուն չորս գոլերի հեղինակ է դարձել:
20-ամյա բելգիացին հուսով է, որ այս ամենը կշարունակվի և նա կկարողանա «Չելսիի» գլխավոր մարզիչ Ժոզե Մոուրինյոյին ապացուցել, որ վերջինս սխալ է վարվել՝ բաժանվելով իրենից:
-Որոշումները մրցավարն է կայացնում, և դու, որպես ֆուտբոլիստ, պետք է կատարես դրանք: Ես պետք է հեռանայի և այժմ մտադիր եմ ապացուցել, որ մարզիչը սխալվել է իմ հարցում:
Միակ բանը, որ ես կարող եմ՝ լավ խաղալ և ավելի շատ գոլեր խփել: Կարծում եմ՝ այդ ամենից հետո մարդիկ կասեն, որ ես լավ ֆուտբոլիստ եմ: Ես ցանկանում եմ ավելի շատ գոլեր խփել, քան «Չելսիի» հարձակվողները: Մենք դեռ մրցաշրջանի ավարտին կտեսնենք՝ ում որոշումն էր ավելի լավ,- Het Nieuwsblad-ին տված հարցազրույցում ասել է Լուկակուն:
