«Մանչեսթեր Սիթիի» պաշտպան Ժոան Կանսելոն մոտ է վարձավճարով Մյունխենի «Բավարիա» տեղափոխվելուն:
Կանսելոն նախորդ երկու մրցաշրջաններում Պրոֆեսիոնալ խաղացողների ասոցիացիայի (PFA) կողմից ընդգրկվել էր Պրեմիեր լիգայի բոլոր աստղերի թիմում և համարվում էր ժամանակակից եզրային պաշտպանի էտալոն:
Այս մրցաշրջանում, սակայն, Ժոանն անհաջողության է մատնվում: 28 ամյա պորտուգալացին բոլոր մրցաշարերում վերջին երեք խաղերում տեղ չի գտնում «քաղաքայինների» մեկնարկային կազմում:
Ըստ The Athletic-ի՝ Կանսելոն 2022/23 մրցաշրջանի մնացած մասը կանցկացնի «Բավարիայում», որը վաղուց հետաքրքրված է Ժոանի խաղով: Ակնկալվում է, որ վարձակալության պայմանագիրը կպարունակի գնման տարբերակ:
Վերջին շաբաթների ընթացքում Գվարդիոլան գերադասում էր պաշտպանության եզրերում օգտագործել Ռիկո Լյուիսին, Նաթան Ակեին, Ջոն Սթոնսին և Քայլ Ուոլկերին, ուստի «Սիթին» պատրաստ է Կանսելոյին բաց թողնել մրցաշրջանի միջնամասում:
Բացի այդ, Կանսելոյի պայմանագիրը «Սիթիի» հետ նախատեսված է մինչև 2027 թվականը:
