Պրեմիեր Լիգայի 30-րդ տուրի մեկնարկը տրվեց «Քինգսթոն Քոմունիքեյշն» մարզադաշտում, ուր «Մանչեսթեր Սիթին» հյուրընկալվել էր տեղի «Հալլ Սիթիին»:
Խաղի արդեն 10-րդ րոպեին մրցավարը վերջին հույսի խախտման համար խաղադաշտից հեռացրեց «քաղաքայինների» ավագ Վենսան Կոմպանիին: Չնայած թվային առավելությանը, «վագրերը» չկարողացան միավոր վաստակել այս խաղում: 14-րդ րոպեին «Սիթիին» առաջ մղեց Դավիդ Սիլվան: Խաղի վերջին րոպեին էլ հյուրերի երկրորդ գնդակը խփեց Էդին Ջեկոն:
«Սիթին» հաղթեց 0-2 հաշվով և վաստակած 60 միավորով բարձրացավ 2-րդ հորիզոնական:
Գոլեր. Սիլվա՝ 14ր, Ջեկո՝ 90ր:
Հեռացում. Կոմպանի՝ 10ր: