Անգլիայի ֆուտբոլի ասոցիացիան հայտնել է այն հինգ ֆուտբոլիստների անունները, ովքեր կմրցեն Անգլիայի հավաքականի տարվա լավագույնը ճանաչվելու համար:
Ցուցակում են հայտնվել «Մանչեսթեր Սիթիի» դարպասապահ Ջո Հարտը, «Լիվերպուլի» աջ պաշտպան Գլեն Ջոնսոնը, «Չելսիի» ձախ պաշտպան Էշլի Քոուլը, «Լիվերպուլի» կիսապաշտպան Սթիվեն Ջերարդը և «Մանչեսթեր Յունայթեդի» հարձակվող Դենիել Ուելբեքը:
Ընտրությունը կկայանա երկրպագուների քվեարկությամբ և մասնագիտական խմբի որոշմամբ: Քվեարկել կարող են ասոցիացիայի պաշտոնական կայքում:
2012 թվականին Անգլիայի հավաքականը անցակացրել է 12 խաղ, որոնց մասնակցել են 47 ֆուտբոլիստ: Հինգ թեկնածուներից յուրաքանչյուրը մասնակցել է առնվազն 6 խաղի: Հաղթողի անունը պարզ կդառնա փետրվարի 3-ին:
