Կիսապաշտպան Քրիստիան Էրիկսենը հաջորդ շաբաթ կարող է վերադառնալ «Մանչեսթեր Յունայթեդի» կազմ:
Էրիկսենը շարքից դուրս էր եկել հունվարի 28-ից, երբ Անգլիայի գավաթի «Ռեդինգի» դեմ խաղում Էնդի Քերոլի հետ բախման արդյունքում վնասեց կոճի կապանները:
Ի սկզբանե սպասվում էր, որ Էրիկսենը ֆուտբոլային խաղադաշտ կվերադառնա միայն ապրիլի վերջին, սակայն Daily Mirror-ը պնդում է, որ դա տեղի կունենա ավելի վաղ։ Քրիստիանը նույնիսկ հնարավորություն ունի փոխարինման դուրս գալ հաջորդ շաբաթվա վերջին «Էվերթոնի» դեմ Պրեմիեր լիգայի խաղում:
31 ամյա դանիացին վերջին մի քանի շաբաթների ընթացքում մարզվել է մարզասրահում, իսկ վերջերս սկսել է մարզվել դրսում և այժմ ազատորեն մարզվում է:
Էրիկսենը, ով միացել է «Յունայթեդին» ազատ գործակալի իրավունքով, այս մրցաշրջանում անցկացրել է 31 հանդիպում՝ դառնալով շատ կարևոր խաղացող Էրիկ Տեն Հագի թիմի համար։
