Վաղը «Քուինս Պարկ Ռեյնջերսի» գլխավոր մարզիչ Հարի Ռեդնապի ծննդյան օրն է, իսկ լավագույն նվերն ըստ մասնագետի իր թիմի հաղթանակն է «Սաութհեմպտոնի» նկատմամբ:
«ՔՊՌ»-ի ֆուտբոլիստները մեկնում են «Սուրբ Մարիամի» մարզադաշտ՝ «Աստոն Վիլլայի» հետ 7 միավորի տարբերությունը նվազեցնելու ցանկությամբ և միևնույն ժամանակ նվեր մատուցելու Ռեդնապին:
-Ես ոչինչ հատուկ չեմ ծրագրում ծննդյանս օրվա համար: Իմ հանգստյան օրերը կախված են առաջիկա խաղից: Եթե մենք վաղը պարտվենք, ապա իմ կինը կարող է ճոխ երեկույթ կազմակերպել՝ հրավիրելով Ադելին և Թոնի Բեննետին, որպեսզի երգեն ինձ համար, սակայն այն ինձ դժվար թե հետաքրքրի: Կարծում եմ՝ ես նույնիսկ չեմ շրջվի,- հայտնել է Ռեդնապը: Evening Standard
