2012/13 մրցաշրջանն իր կարիերայում վերջինը եղավ Անգլիայի հավաքականի և «Լիվերպուլի» կենտրոնական պաշտպան Ջեյմի Կարագերի համար:
Գոյություն ունեն ֆուտբոլիստներ, որոնք իսկական թալիսման են իրենց հայրենի ակումբի և երկրպագուների համար, սակայն լուրջ հետաքրքրություն չեն ցուցաբերել ազգային հավաքականի նկատմամբ: Եթե խոսենք «Լիվերպուլի» մասին, ապա այդպիսի ֆուտբոլիստ է Ջեյմի Կարագերը:
Նրա ֆուտբոլային կարիերան սկսել է Լիվերպուլի ակադեմիայում: Ջեյմին պրոֆեսիոնալ ֆոտբոլում իր նորամուտը նշել է 1996/97 մրցաշրջանում, որից հետո իր տեղն է ստացել թիմի հիմնական կազմում: 1996թ-ին Կարագերը Մայքլ Օուենի հետ նվաճեց Անգլիայի պատանեկան գավաթը: Սկզբում Ջեյմին խաղում էր եզրային պաշտպանի դիրքում: Ռոյ Էվանսը, ով այդ ժամանակ մարզում էր «Լիվերպուլը», երիտասարդ պաշտպանին հնարավորություն տվեց Անգլիայի լիգայի գավաթի խաղում, որից հետո Կարարգերը սկսեց դաշտ դուրս գալ առաջին րոպեից: Իր առաջին ամբողջական խաղում «Լիվերպուլը» 3:0 հաշվով հաղթեց «Աստոն Վիլլային», իսկ Ջեյմին աչքի ընկավ խփած գոլով:
Կարագերին ամբողջությամբ վստահեց նաև «կարմիրների» հաջորդ մարզիչ Ժերար Ուլյեն: Ֆրանսիացի մարզիչը վերցրեց թիմը երիտասարդացնելու կուրս: Երիտասարդ պաշտպանն Ուլյեի ստեղծած համակարգի բաղկացուցիչ մասն էր կազմում: Յուրաքանչյուր հաջորդ մրցաշրջանում Կարագերն ավելի շատ խաղ էր անցկացնում «Լիվերպուլի» կազմում: Վնասվածքի պատճառով նա բաց թողեց 1998թ-ի աշխարհի առաջնությունը:
Կարագերը «Լիվերպուլի» համար կարողացավ դառնալ Սթիվեն Ջերարդից հետո երկրորդ խորհրդանիշը: Երկրպագուները նրան սիրեցին իր ունիվերսալ լինելու համար: Նա կարող էր խաղալ ինչպես կենտրոնում, այնպես էլ եզրերում:
Կարագերը աչքի է ընկել նաև իր ծիծաղելի վիճակագրությամբ: Չնայած պաշտպանությունում հիանալի խաղին, նա աչքի չի ընկել արդյունավետությամբ: Ջեյմին ավելի շատ գնդակն ուղարկել է սեփական, քան մրցակցի դարպասը:
Կարագերը ազգային հավաքականում իր նորամուտը նշել է 1998թ-ի: Երկար տարիներ Կարագերը մերժում էր հավաքականում խաղալու Սթիվ Մաքլարենի առաջարկը: Միայն Ֆաբիո Կապելոյին հաջողվեց 2010թ-ին Կարագերին վերադարձնել ազգային հավաքական:
Ջեյմի Կարագերի մրցանակները.
- Անգլիայի գավաթ (2) – 2000/01, 2005/06
- Անգլիայի լիգայի գավաթ (3) – 2000/01, 2002/03, 2011/12
- Անգլիայի սուպերգավաթ (2) – 2001, 2006
- Չեմպիոնների Լիգա (1) – 2004/05
- ՈՒԵՖԱ-ի գավաթ (1) – 2000/01
- ՈՒԵՖԱ-ի սուպերգավաթ (2) – 2001, 2005
2012/13 մրցաշրջանի ավարտին Ջեյմի Կարագերը հրաժեշտ տվեց մեծ ֆուտբոլին:
