«Նորվիչ Սիթին» պաշտոնապես հայտնել է «Տվենտեի» և Հոլանդիայի ազգային հավաքականի կիսապաշտպան Լերոյ Ֆերի ձեռքբերման մասին:
Ֆերը, ով Անգլիա է տեղափոխվել 4.5 մլն ֆունտով, չորս տարվա պայմանագիր է ստորագրել «Նորվիչի» հետ:
23-ամյա Լերոյը դարձավ տրանսֆերային պատուհանի ընթացքում «Նորվիչի» վեցերորդ նորեկը: Ֆերը պրոֆեսիոնալ ֆուտբոլում իր կարիերան սկսել է «Ֆեյենորդից», իսկ 2011թ-ին տեղափոխվել է «Տվենտե», որտեղ մասնակցել է 71 խաղի և դարձել 21 գոլի հեղինակ: Հունվարին Ֆերը շատ մոտ էր «Էվերթոն» տեղափոխվելուն, սակայն վերջին պահին խանգարեց առողջական խնդիրները:
