«Մանչեսթեր Սիթին» պաշտոնապես հայտնել է, որ 6 տարվա պայմանագիր է կնքել մարզահագուստ արտադրող ամերիկյան Nike ընկերության հետ:
Դեռ անցած տարի «քաղաքայինները» հայտնեցին, որ չեն երկարաձգելու Umbro-ի հետ լրացող պայմանագիրը: Հաջորդ մրցաշրջանում «Սիթին» հանդես է գալու հենց Nike-ի մարզահագուստով:
Համաձայն համագործակցության՝ «քաղաքայինները» տարեկան 12 մլն ֆունտ են ստանալու այդ ընկերությունից: Սա բավականին ուրախ նորություն է ակումբի համար:
Nike-ի հետ նոր համագործակցության մասին պաշտոնական հայտարարությունն արվել է երեքշաբթի օրն ԱՄՆ-ում, որտեղ «Սիթին» այժմ գտնվում է այցով: Առաջին անգամ թիմը կհագնի նոր մարզահագուստը հինգշաբթի և կիրակի օրերին, երբ կկայանան երկու ընկերական հանդիպում «Չելսիի» դեմ Սեյնտ Լուիսում և Նյու Յորքում համապատասխանաբար:
