Հունվարին «Մանչեսթեր Սիթի»-ն «Լիվերպուլ»-ին առաջարկ կանի Լուիս Սուարեսի տրանսֆերը ձեռք բերելու համար:
Հաղորդվում է, որ Պրեմիեր Լիգայի գործող չեմպիոնը պատրաստ է 25-ամյա հարձակվողի համար մղվող պայքարին մտնել 40 մլն ֆունտով: Եթե «Լիվերպուլ»-ի համար դա բավական չլինի, ապա «քաղաքայիններ»-ը կարող են մինչև 50 մլն հասցնել առաջարկվող գումարը:
Հիշեցնենք, որ Սուարեսը 24 մլն ֆունտով «Այաքս»-ից «Լիվերպուլ» է տեղափոխվել 2011թ-ի հունվարին: Անցած օգօստոսին ուրուգվացին 4 տարվա պայմանգիր ստորագրեց ակումբի հետ, շաբաթական վաստակելով 120 հզր ֆունտ: Ակնհայտ է, որ «Սիթի»-ի առաջարկը ավելի գրավիչ կլինի Սուարեսի համար:
Ենթադրվում է, որ «Սիթի»-ի տրանսֆերային այս հետաքրքրությունները պայմանավորված են Մարիո Բալոտելիի խաղով: Daily Mirror
