Պրեմիեր Լիգայի 5-րդ տուրի կենտրոնական հանդիպումը տեղի ունեցավ մանչեսթերյան երկու ակումբների միջև: «Քաղաքայինները» սեփական հարկի տակ ջախջախեցին գործող չեմպիոն «Մանչեսթեր Յունայթեդին»:
Խաղի հաշիվը 16-րդ րոպեին բացեց Սերխիո Ագուերոն, իսկ խաղակեսի ավարտին Յայա Տուրեն կրկնապատկեց հաշիվը:
Երկրորդ խաղակեսի մեկնարկից 5 րոպե հետո հաշիվն արդեն 4:0 էր: Դուբլի հեղինակ դարձավ Ագուերոն, մեկ անգամ էլ աչքի ընկավ Սամիր Նասրին: «Կարմիր սատանաների» հեղինակության գնդակը 87-րդ րոպեին խփեց Ուեյն Ռունին:
«Սիթին» հաղթեց 4:1 հաշվով և բարձրացավ 3-րդ հորիզոնական:
Գոլեր․ Ագուերո՝ 16ր, 47ր, Տուրե՝ 45ր, Նասրի՝ 50ր, Ռունի՝ 87ր:
