«Մանչեսթեր Յունայթեդի» կիսապաշտպան Մեյսոն Մաունտը կարող է մնալ հիվանդանոցում մինչև վեց շաբաթ:
Այս ամառ 60 միլիոն ֆունտով «Չելսիից» գնված Մաունտը մեկնարկային կազմում է հայտնվել Պրեմիեր լիգայի նոր մրցաշրջանի «Յունայթեդի» առաջին երկու հանդիպումներում էլ:
Դրանցից միայն երկրորդում՝ անցած շաբաթ օրը «Տոտտենհեմի» դեմ խաղում, 24 ամյա անգլիացին վնասվածք ստացավ:
Ի սկզբանե սպասվում էր, որ Մաունտը բաց կթողնի ընդամենը երեք շաբաթ` սեպտեմբերին միջազգային դադարից անմիջապես հետո վերադառնալով:
Ինչպես հայտնում է Daily Mail-ը, լրացուցիչ բժշկական հետազոտությունները ցույց են տվել, որ Մեյսոնի վնասվածքն ավելի լուրջ է, քան սպասվում էր, և ապաքինումը կարող է կրկնակի երկար տևել:
Այդ դեպքում Մաունտը բաց կթողնի ոչ միայն «Նոթինգհեմ Ֆորեստի» ու «Արսենալի» դեմ հաջորդ երկու հանդիպումները, այլև «Բրայթոնի» հետ հանդիպումը և, հնարավոր է, «Յունայթեդի» մեկնարկային խաղը Չեմպիոնների լիգայի խմբային փուլում։
