Մաքս Էբերլի նշանակումը մարզական տնօրենի պաշտոնում կարող է օգնել «Լիվերպուլին» ձեռք բերել Բունդեսլիգայի աստղային հինգ խաղացողների:
Ընդամենը մեկ օր առաջ տեղեկություն հայտնվեց, որ «Լիվերպուլը» պատրաստ է մրցել «Բավարիայի» հետ սեպտեմբերին «ՌԲ Լեյպցիգից» հեռացված Էբերլի համար։ Հաղորդվում էր, որ «կարմիրներն» արդեն կապի մեջ են Մաքսի հետ։
«Լիվերպուլը» դիտարկում է Էբերլին՝ որպես Ջուլիան Ուորդի մշտական փոխարինող, ով անցյալ մրցաշրջանի վերջում լքեց մերսիսայդյան ակումբը։ Յորգ Շմադկեն, ով ներկայումս «կարմիրների» սպորտային տնօրենի պաշտոնակատարն է, ժամանակավոր գործիչ է:
Էբերլը լայն կապեր ունի, հատկապես գերմանական ֆուտբոլում, և Daily Express-ը նշում է հինգ խաղացողների, որոնց Մաքսը կարող է բերել «Լիվերպուլ»՝ օգտագործելով իր կապերը:
«Լիվերպուլի» երկու հիմնական թիրախներն են Լևերկուզենի «Բայերի» կենտրոնական պաշտպան Պերոտ Ինկապյեն և Մյունխենգլադբախի «Բորուսիայի» պաշտպանական ոճի կիսապաշտպան Կուադիո Կոնեն:
«Կարմիրների» ռադարում են նաև Դորտմունդի «Բորուսիայի» եզրային Դոնել Մալենը, ով նշվում է որպես Մուհամեդ Սալահի հավանական իրավահաջորդը, Մյունխենգլադբախի «Բորուսիայի» աջ պաշտպան Ջո Սքալլին և «ՌԲ Լեյպցիգի» կենտրոնական պաշտպան Կաստելո Լուկեբան:
