«Մանչեսթեր Սիթիի» աջ պաշտպան Միկա Ռիչարդսը հայտնել է, որ իր խաղի շնորհիվ հաջորդ մրցաշրջանում մտադիր է տեղ գրավել Անգլիայի ազգային հավաքականի կազմում:
«Վեստ Բրոմվիչի» հետ հաղթական խաղն (1:0) ընդամենը վեցերորդն էր, որ Ռիչարդսը դաշտ էր դուրս գալիս մեկնարկային րոպեներից: Միկան ապաքինվել է հերթական վնասվածքից և այժմ պատրաստվում է հետ բերել կորցրածը:
Առողջական բազմաթիվ խնդիրները թույլ չտվեցին Ռիչարդսին մասնակցել Եվրո 2012-ին, իսկ այս մրցաշրջանում անգլիացիների գլխավոր մարզիչ Ռոյ Հոջսոնը հնարավորություն չի ունեցել՝ տեսնելու 24-ամյա ֆուտբոլիստին գործի մեջ:
-Հուսամ, որ հաջորդ մրցաշրջանում ես ազատ կլինեմ վնասվածքներից և կկարողանամ ապացուցել բոլորին, թե ինչի եմ ընդունակ: Սա մեծ փորձություն է, և սա նախապատրաստական մրցաշրջան է Աշխարհի առաջնությունից առաջ:
Յուրաքանչյուր անգլիացի ցանկանում է մեկնել Բրազիլիա: Նայում եմ իմ դիրքի մրցակիցների վրա, և եթե անկեղծ, նրանք ինձնից ավելի լավը չեն: Հուսամ, որ եթե ես հնարավորություն ունենամ, ապա կկարողանամ դրսևորել ինձ:
Կարծում եմ, որ բավականին լավն եմ, որպեսզի լինեմ հավաքականում: Ես պետք է ընդամենը սպասեմ իմ հնարավորությանը,- հայտնել է Միկան: Sky Sports
