«Չելսիի» գլխավոր մարզիչ Ժոզե Մոուրինյոն հայտնել է, որ ցանկացած այլ առաջնությունում իր թիմը նման մեկնարկից հետո կհամարվեր չեմպիոնական պայքարի միակ ֆավորիտը:
Շաբաթ օրը լոնդոնյան դերբիում «Կրիստալ Փելեսին» հաղթելուց հետո (1:2) «կապույտները» վստահ գլխավորում են մրցաշարային աղյուսակը: Մոուրինյոն գոհ է իր թիմի խաղից, սակայն զգուշանում է խոսել չեմպիոնության մասին, քանի որ ինքը գտնվում է Պրեմիեր Լիգայում:
-Լիգան հաղթելու համար պետք է երկար ճանապարհ գնալ: Եթե մենք լինեինք այլ առաջնությունում, ապա ես վստահ կասեի, որ այո, մենք կհաղթենք այն: Պրեմիեր Լիգայում ես միայն կարող եմ ասել, որ մենք կարող ենք անել դա: Այստեղ շատ են լավ ակումբները, այստեղ չեմպիոնության հասնելու ճանապարհին խոչընդոտները շատ են:
Մեր էվոլուցիան թիմի էվոլուցիան է, և ես գոհ եմ դրանից,- Մոուրինյոյի խոսքերն է մեջբերում Evening Standard-ը:
