«Քուինս Պարկ Ռեյնջերսի» պաշտպան Ռիո Ֆերդինանդը հայտնել է, որ այս մրցաշրջանից հետո կավարտի ֆուտբոլիստի իր կարիերան:
Նախորդ մրցաշրջանի ավարտին «Մանչեսթեր Յունայթեդը» հրաժարվեց փորձառու Ռիոյի ծառայություններից, ով ազատ ֆուտբոլիստի կարգավիճակով միացավ Պրեմիեր Լիգա վերադարձած ՔՊՌ-ին: Երբ իր ներկայիս պայմանագիրը լրանա, 35-ամյա անգլիացին խաղակոշիկները կկախի մեխից:
-Կարծում եմ՝ այս մրցաշրջանի ավարտին ես կավարտեմ կարիերաս: Ես վստահ առաջ եմ նայում և հուսով եմ, որ դեռ լավ ժամանակներ են սպասվում,- Ֆերդինանդի խոսքերն է մեջբեում Sky Sports-ը:
