«Մանչեսթեր Յունայթեդը» առաջատար է համարվում «Մոնակոյի» պաշտպան Ակսել Դիսասիի համար մղվող պայքարում:
Պաշտպանության կենտրոնի ուժեղացումը «Յունայթեդի» հիմնական խնդիրներից մեկն է գալիք ամառվա համար, հատկապես, երբ դեռ անորոշ է Հարի Մագուայռի և Վիկտոր Լինդելոֆի ապագան ակումբում:
Ինչպես հաղորդում է Football Insider-ը, Դիսասին հայտնվել է «Յունայթեդի» ուշադրության կենտրոնում, և «կարմիր սատանաները» ներկայումս համարվում են ֆավորիտ Ակսելով հետաքրքրված այլ ակումբների («Չելսի» և «Մանչեսթեր Սիթի») շրջանում:
Դիսասին հիանալի մրցաշրջան է անցկացրել, որի շնորհիվ էլ հայտնվել է «Յունայթեդի» սկաուտները ուշադրության կենտրոնում։
Բացի այդ, Դիսասին ընթացիկ մրցաշրջանում «Մոնակոյի» կազմում անցկացրել է 41 հանդիպում՝ դառնալով 6 գոլի և 4 գոլային փոխանցման հեղինակ:
