«Էվերթոնի» հարձակվող Նիկիցա Ելավիչը մտածում է ընթացիկ մրցաշրջանի ավարտից հետո «Գուդիսոն Պարկից» հեռանալու մասին:
«Իրիսկաները» պայքարում են Չեմպիոնների Լիգայի ուղեգիր նվաճելու համար: Սակայն անձամբ Ելավիչը անվստահ է գործում ընթացիկ մրցաշրջանում: Նիկիցան ընդամենը մեկ գոլ է խփել վերջին 14 խաղերում: Վերջին ժամանակներս նա տեղը զիջել է Վիկտոր Անիչեբեին:
Այս մրցաշրջանն էական տարբերվում է նախորդից, երբ Ելավիչը դարձավ 12 գոլի հեղինակ: Եթե «Էվերթոնին» այդպես էլ չհաջողվի Չեմպիոնների Լիգայի ուղեգիր նվաճել, ապա Նիկիցան պատրաստ կլինի լսել մյուս ակումբների առաջարկները: Այս մասին վստահեցնում է Daily Express պարբերականը:
Ավելացնենք, որ ամռանն «Էվերթոնում» կարող են մասշտաբային փոփոխություններ կատարվել: Ակումբը հաստատ լքելու է ավագ Ֆիլ Նևիլը: Հարցականի տակ է գլխավոր մարզիչ Դևիդ Մոյեսի և ֆուտբոլիստ Մարուան Ֆելայնիի ապագաները:
