«Լեսթեր Սիթիի» դարպասապահ Կասպեր Շմեյխելը նոր պայմանագիր է ստորագրել Պրեմիեր Լիգայի նորեկի հետ, որը կգործի մինչև 2018թ-ի հունիսը:
27-ամյա դանիացին մասնակցել է այն բոլոր 46 խաղերին, որոնք «Լեսթերն» անցկացրել է Չեմպիոնշիփի նախորդ մրցաշրջանում: «Աղվեսները» զբաղեցրին առաջին տեղը՝ հավաքելով ռեկորդային 102 միավոր և բաց թողեցին ընդամենը 43 գոլ:
-Անհամբերությամբ սպասում եմ Պրեմիեր Լիգայում այս ակումբի առաջին խաղին: Մենք լավ մրցաշրջան անցկացնելու հիանալի հնարավորություն ունենք,- ակումբի պաշտոնական կայքին տված հարցազրույցում ասել է Շմեյխելը:
