Անգլիայի ազգային հավաքականի գլխավոր մարզիչ Ռոյ Հոջսոնը հայտնել է այն 26 ֆուտբոլիստների անունները, ովքեր հրավիրվել են մասնակցելու Սլովենիայի և Շոտլանդիայի դեմ խաղերին:
Հիշեցնենք, որ Եվրո-2016-ի որակավորման փուլում Սլովենիայի դեմ խաղը տեղի կունենա նոյեմբերի 15-ին «Ուեմբլիում», իսկ երեք օր հետո անգլիացիները կմեկնեն Շոտլանդիա:
Ինչպես և սպասվում էր, առաջին անգամ հավաքականի հրավեր է ստացել «Վեստ Բրոմվիչի» երիտասարդ հարձակվող Սաիդո Բերաինոն, ով Պրեմիեր Լիգայի ընթացիկ մրցաշրջանում ամենաարդյունավետ անգլիացին է: Երկար ընդմիջումից հետո հավաքական է վերադառնում նաև Թեո Ուոլկոտը:
Սլովենիայի և Շոտլանդիայի դեմ խաղերի համար Անգլիայի հավաքական հրավիրած ֆուտբոիստները.
Դարպասապահներ. Ֆրեյզեր Ֆորսթեր («Սաութհեմպտոն»), Բեն Ֆոսթեր («Վեստ Բրոմվիչ»), Ջո Հարտ («Մանչեսթեր Սիթի»):
Պաշտպաններ. Լեյթոն Բեյնս, Ֆիլ Ջագելկա (երկուսն էլ «Էվերթոնից»), Գարի Կեհիլ («Չելսի»), Քալում Չեմբերս («Արսենալ»), Նաթանիել Քլայն («Սաութհեմպտոն»), Կիերան Գիբս («Արսենալ»), Լյուկ Շոու, Քրիս Սմոլլինգ (երկուսն էլ «Մանչեսթեր Յունայթեդից»):
Կիսապաշտպաններ. Ռոս Բարքլի («Էվերթոն»), Մայքլ Կերրիկ («Մանչեսթեր Յունայթեդ»), Ստյուրատ Դաունինգ («Վեստ Հեմ»), Ջորդան Հենդերսոն («Լիվերպուլ»), Ադամ Լալանա, Ռահիմ Ստերլինգ (երկուսն էլ «Լիվերպուլից»), Անդրոս Թաունսենդ («Տոտտենհեմ»), Ջեյմս Միլներ («Մանչեսթեր Սիթի», Ալեքս Օքսլեյդ-Չեմբերլեն, Թեո Ուոլկոտ, Ջեկ Ուիլշեր (երեքն էլ «Արսենալից»):
Հարձակվողներ. Սաիդո Բերինո («Վեստ Բրոմվիչ»), Ռիկի Լամբերտ («Լիվերպուլ»), Ուեյն Ռունի («Մանչեսթեր Յունայթեդ»), Դենի Ուելբեք («Արսենալ»):
