«Արսենալի» հարձակվող Թեո Ուոլկոտը մեկնաբանել է «Ռեալ Մադրիդի» կիսապաշտպան Մեսութ Օզիլի ժամանումը Լոնդոն:
Անգլիացու կարծիքով Օզիլի ներկայությունը կմեծացնի «զինագործների» հնարավորություններն այս մրցաշրջանում:
-Այս տրանսֆերը հաստատում է, որ մենք շատ լուրջ ենք տրամադրված մրցաշրջանի համար: Այժմ մենք իսկապես կարող ենք նոր մակարդակով հանդես գալ:
Մենք անհաջող մեկնարկեցինք առաջնությունում, սակայն կարողացանք հաղթահարել այդ ամենը, և հիմա ամեն ինչ ուղղակի հրաշալի է: Երբ Օզիլի նման ֆուտբոլիստներ են գալիս թիմ, դա ավելի մեծ ոգևորություն է տալիս բոլոր ֆուտբոլիստներին,- Ուոլկոտի խոսքերն է մեջբերում Goal-ը:
Ավելացնենք, որ Մեսութ Օզիլը, ով անցած մրցաշրջանում դարձել է 9 գոլի հեղինակ և կատարել է 16 գոլային փոխանցում, կարող է իր առաջին հանդիպումն անցկացնել «Արսենալի» կազմում «Սանդերլենդի» դեմ արտագնա խաղում, որը կկայանա սեպտեմբերի 14-ին:
