«Ուեմբլի» մարզադաշտը կարող է դառնալ «Չելսիի» ժամանակավոր տունը մինչև հինգ տարի՝ «Սթեմֆորդ Բրիջի» վերանորոգմամբ պայամավորված:
Ռոման Աբրամովիչից գնելով «Չելսին», Թոդ Բելին և գործընկերները պարտավորվել են ներդրումներ կատարել ակումբի ենթակառուցվածքում:
Անցյալ ամիս պարզվեց, որ «Չելսիի» սեփականատերերը մերժել են այլ վայրում նոր մարզադաշտ կառուցելու տարբերակը և որոշել են կենտրոնանալ գոյություն ունեցող մարզադաշտի վերանորոգման վրա:
Ինչպես նշում է Daily Mirror-ը, Ստեմֆորդ Բրիջի ամբողջական վերանորոգումը` մարզադաշտի քանդումը և դրա փոխարեն նորը կառուցելը, կարող է տևել մինչև հինգ տարի: Միայն գործող կառույցների ապամոնտաժման համար կպահանջվի մինչև 18 ամիս։ Այս ժամանակահատվածում «ազնվականներին» ժամանակավոր տուն կպահանջվի, որը, ամենայն հավանականությամբ, կլինի «Ուեմբլին»:
Եթե «Չելսին» որոշի արդիականացնել իր մարզադաշտը՝ շարունակելով խաղալ «Սթեմֆորդ Բրիջում», ապա գործընթացը կարող է ձգձգվել մինչև 10 տարի:
