«Չելսին» առնվազն 25 մլն ֆունտ կվաստակի 2025 թվականին Աշխարհի ակումբային առաջնությանը մասնակցելուց։
Հիշեցնենք, որ ՖԻՖԱ-ն նախօրեին հայտարարել էր Աշխարհի ակումբային առաջնության ձևաչափի փոփոխությունների մասին, որոնց մասնակիցների թիվը կհասցվի 32-ի:
Այս 32 թիմերը կբաժանվեն ութ խմբերի, որոնցից յուրաքանչյուրը երկու ակումբ կուղարկի փլեյ-օֆֆ՝ ազգային հավաքականների համար նախատեսված աշխարհի հերթական առաջնության նման:
Այսպիսով՝ լինելով Չեմպիոնների լիգայի վերջին չորս տարիների (2021) հաղթողներից մեկը՝ «Չելսին» երաշխավորել է իր տեղը 2025 թվականին Աշխարհի ակումբային առաջնությունում։
«Կապույտների» համար սա լրացուցիչ հնարավորություն կլինի ոչ միայն գավաթ նվաճելու, այլև մեծ գումար վաստակելու, քանի որ ՖԻՖԱ-ն առատաձեռն մրցանակային ֆոնդ է տրամադրում աշխարհի ակումբային առաջնության մասնակիցներին:
Ինչպես հայտնում է Daily Mirror-ը, «Չելսին» կստանա 25 մլն ֆունտ ստեռլինգ պարզապես աշխարհի ակումբային առաջնությանը մասնակցելու համար, և նույնիսկ ավելին, եթե դուրս գա խմբից:
ՖԻՖԱ-ն արդեն հաստատել է, որ 2025 թվականի Աշխարհի ակումբային առաջնությունը տեղի կունենա ամռանը, սակայն վայրը դեռ որոշված չէ։
