Մեքսիկայի ազգային հավաքականի գլխավոր մարզիչ Միգել Էրրերան հայտնել է, որ իր սան Խավիեր Էրնանդեսը գոհ չէ «Մանչեսթեր Յունայթեդում» իր կարգավիճակից:
Պրեմիեր Լիգայի ընթացիկ մրցաշրջանում 25-ամյա մեքսիկացին մասնակցել է 16 հանդիպման, սակայն միայն 4 անգամ է եղել մեկնարկային կազմում: «Օլդ Թարֆորդը» լքելու մասին խոսակցություններ կային դեռ հունվարին, սակայն Էրնանդեսը որոշեց սպասել մինչև մրցաշրջանի ավարտը:
-Չիչարիտոն հիասթափված է, քանի որ չի խաղում՝ չնայած լավ մարզումներին: Երբ նա խաղալու հնարավորություն է ստանում, ողջ ուժերն է ներդնում խաղի վրա: Նրա ներկայիս մարզիչը շատ քիչ ժամանակ է տալիս,- Էրրերայի խոսքերն է մեջբերում Sky Sports-ը: