«Գայլերը» հայտարարել են «ՊՍԺ»-ի և Իսպանիայի հավաքականի վինգեր Պաբլո Սարաբիայի հետ պայմանագիր կնքելու մասին:
Բուժզննում անցնելուց հետո Սարաբիան երկուսուկես տարվա պայմանագիր է կնքել «Վուլվերհեմպտոնի» հետ։ «ՊՍԺ»-ն Պաբլոյի համար կստանա մոտ 4,5 մլն ֆունտ ստերլինգ փոխհատուցում:
30 ամյա Սարաբիան Մադրիդի «Ռեալի» հայտնի ակադեմիայի սան է, և նա ծանոթացել է «գայլերի» ներկայիս մարզիչ Խուլեն Լոպետեգիի հետ, երբ դեռ խաղում էր Իսպանիայի մինչև 19 տարեկանների թիմում:
Չսպասելով իր հնարավորությանը հայրենի Մադրիդում՝ «Ռեալում», Սարաբիան գնաց «Խետաֆե», իսկ հետո հայտնվեց «Սևիլիայում», որտեղ նա կարճ ժամանակով կրկին հանդիպեց Լոպետեգիին։
Սարաբիան «ՊՍԺ»-ում հանդես է գալիս 2019 թվականից՝ նախորդ մրցաշրջանում վարձավճարով հանդես գալով «Սպորտինգում»։ Ընդհանուր առմամբ, Պաբլոն «փարիզցիների» կազմում անցկացրել է Լիգա 1-ի 35 հանդիպում՝ դառնալով 11 գոլի հեղինակ։
Սարաբիան Իսպանիայի հավաքականի կազմում անցկացրել է 26 հանդիպում, այդ թվում՝ ԱԱ-2022-ում: