«Նյուքասլի» հարձակվող Պապիս Սիսեն իր թիմի հետ չի մեկնել Մոսկվա՝ մասնակցելու Եվրոպա Լիգայի 1/8 եզրափակչի առաջին խաղին «Անժիի» դեմ: Այս մասին հայտնում է «կաչաղակների» պաշտոնական կայքը:
Բացի Սիսեից Ռուսաստան չեն մեկնել նաև դարպասապահ Թիմ Կրուլը, պաշտպաններ Ֆաբրիսիո Կոլոչինին և Մաթյո Դեբյուշին: Այս խաղին չի մասնակցելու նաև կիսապաշտպան Յոան Գուֆրանը:
Հիշեցնենք, որ Հաթեմ Բեն Արֆան, որը ծնկատակի ջիլի վնասվածքի պատճառով դաշտ դուրս չէր գալիս 2012 թվականի դեկտեմբերի 11-ից, թիմի հետ մեկնել է Մոսկվա:
