«Սաութհեմպտոնի» գլխավոր մարզիչ Մաուրիսիո Պոչետինոն հայտնել է, որ պատրաստ է շաբաթ օրը «Էթիհադում» կռիվ տալ «Մանչեսթեր Սիթիի» դեմ:
«Քաղաքայինների» դեմ անցկացրած իր երկու խաղերում էլ Պոչետինոն չի պարտվել և հուսով է, որ այս անգամ էլ կկարողանա խառնել մրցակցի խաղաքարտերը:
-Մենք միշտ հավատում ենք հաղթանակին: Մենք գիտենք, որ մրցելու ենք Պրեմիեր Լիգայի չեմպիոնական պայքարի գլխավոր ֆավորիտներից և Եվրոպայի լավագույն ակումբներից մեկի հետ:
Չնայած դրան, մենք մեկնելու ենք «Էթիհադ» մեր խաղը խաղալու և հաղթելու նպատակով: Մենք գիտենք, թե ինչ մարտավարություն պետք է կիրառենք, որ հասնենք ցանկալի արդյունքին,- ասել է Պոչետինոն: Sky Sports
