Անգլիայի ազգային հավաքականի ավագ Սթիվեն Ջերարդը հույս է հայտնել, որ ուրուգվայցի հարձակվող Լուիս Սուարեսը վնասվածքի պատճառով բաց կթողնի աշխարհի առաջնությունում իրենց դեմ խաղը:
Ինչպես գիտենք, խմբային փուլում անգլիացիները կմրեցն Ուրուգվայի հավաքականի դեմ, և չի բացառվում, որ այդ խաղում կորոշվի փլեյ-օֆֆ փուլի ուղեգիրը: Անորոշ ժամանակով շարքից դուրս է եկել «Լիվերպուլում» Ջերարդի թիմակից Լուիս Սուարեսը: Եվ Սթիվենը հուսով է, որ Լուիսը չի ապաքինվի մինչև հունիսի 19-ը:
-Եթե անկեղծ իմ կարծիքը հայտնեմ, ապա Սուարեսի բացակայությունը Ուրուգվայի դեմ խաղում մեզ համար օգտակար կլինի: Սակայն իմանալով Լուիզին՝ հասկանում եմ, որ աշխարհի առաջնությանը չմասնակցելը մեծ հարված կլինի նրա համար: Ես չեմ ցանկանում, որ իմ կոլեգաներից որևէ մեկը լուրջ վնասվածք ստանա:
Ցավալի կլինի, որ նա չկարողանա ապաքինվել և օգնել իր երկրի հավաքականին: Սակայն մյուս կողմից նրա բացակայությունը կարող է օգնել մեզ,- Ջերարդի խոսքերն է մեջբերում Daily and Sunday Express-ը:
