«Մանչեսթեր Յունայթեդի» պաշտպան Ֆիլ Ջոնսը կարծում է, որ իր թիմակից Դավիդ դե Խեան ժամանակակից ֆուտբոլի լավագույն դարպասապահն է:
Դե Խեայի վստահ խաղի շնորհիվ «կարմիր սատանաները» ոչ քիչ միավորներ են հավաքել այնպիսի խաղերում, որոնցում պարտությունից բացի դժվար այլ բանի արժանի լինեին: Իսպանացին իր թիմին օգնեց վերադառնալ Չեմպիոնների Լիգա:
-Կարծում եմ՝ այստեղ նրա կարիերայի սկիզբը օգտակար եղավ նրա համար: Դա լրջագույն փորձություն էր, և նա հաջող անցավ այն: Դուք տեսաք նրա խաղն այս մրցաշրջանում:
Դե Խեան դարձել է բարձրակարգ դարպասապահ, իսկ ինձ համար նա առհասարակ լավագույնն է: Նա անհավանական առաջընթաց է ունեցել,- ասել է Ջոնսը: Manchester Evening News
