«Մանչեսթեր Յունայթեդի» վետերան Ռայան Գիգգսը կարծում է, որ միանգամայն բնական է Պրեմիեր Լիգայի մրցաշարային աղյուսակում «Արսենալի» առաջատար լինելը:
Այս պահին «Յունայթեդը» զբաղեցնում է 6-րդ հորիզոնականը: Կիրակի օրը «Քարդիֆի» դեմ խաղում ոչ ոքին մեծացրեց առաջատար «Արսենալի» հետ միավորների տարբերությունը:
-Վերջին 10 խաղերում մենք այնքան էլ վատ չենք խաղացել: Չեմ կարծում, որ կիրակի օրը մենք արժանի էինք այդ արդյունքին:
Միայն «Արսենալը», որը գլխավորում է մրցաշարային աղյուսակը, կայուն խաղ է ցուցադրում: Սա խելահեղ մրցաշրջան է: Մենք չենք կարող կանգնել, քանի դեռ առաջնությունում հաղթելու հնարավորություն ունենք,- ասել է Գիգգսը: talkSPORT
