«Մանչեսթեր Յունայթեդի» գլխավոր մարզիչ Էրիկ Տեն Հագը ակնկալում է, որ հարձակվող Մարկուս Ռաշֆորդը կկարողանա կիրակի օրը խաղալ «Նյուքասլի» դեմ:
Ռաշֆորդը զարմացրեց շատերին, երբ նա մերժեց Անգլիայի հավաքական հրավիրելը այս միջազգային ընդմիջման ժամանակ՝ պատճառաբանելով կապտուկը: Փոխարենը Մարկուսն ու իր ընկերուհին մեկնեցին Նյու Յորք՝ հանգստանալու։
Ռաշֆորդը ոտքի մատի խնդիր ունի, ըստ Տեն Հագի, բայց Մարկուսը շանսեր ունի այս տուրում Սենթ Ջեյմս Պարկում խաղալու:
«Ես դրա հետ կապված մեծ հույսեր ունեմ, նա մարզվում էր, բայց որոշակի բուժման կարիք ուներ, և նա պետք է անհատական մարզվեր»:
«Այսօր նա միացել է ընդհանուր խմբին, ևս մեկ օր ունենք, ես հուսով եմ, որ նա հասանելի կլինի»:
«Նյու Յորք, ես կարծում եմ, որ դա դրական է: «Մանչեսթեր Յունայթեդի» ֆուտբոլիստներն ավելի շատ խաղեր են խաղում, քան մնացածը Եվրոպայում: Երբեմն նրանց ժամանակ է պետք շունչ քաշելու և էներգիան վերականգնելու համար»:
«Իմ կարծիքով, դրական է, որ նա ժամանակ հատկացրեց ֆուտբոլից դադար վերցնելու համար: Ես նրան դիտեցի այս շաբաթ և նա շատ եռանդուն տեսք ուներ»,- Տեն Հագին է մեջբերում Sky Sports-ը։
