Եվրոպա Լիգայի 1/16 եզրափակչի «Զենիթի» հետ պատասխան խաղից հետո (3:1) «Լիվերպուլի» գլխավոր մարզիչ Բրենդան Ռոջերսն ընդգծել է իր ֆուտբոլիստների խառնվածքը:
Առաջին խաղից հետո «Զենիթն» ուներ 2 գնդակի առավելություն, սակայն «Լիվերպուլը» պատասխան խաղին հիանալի կերպով պայքարեց: Արդյունքում անգլիական ակումբը մեկ քայլով հետ մնաց Եվրոպա Լիգայի 1/8 եզրափակչի ուղեգիր նվաճելուց:
Հետխաղյա մամլո ասուլիսի ժամանակ Ռոջերսը գովեց իր խաղացողներին, չնայած որ թիմը դուրս մնաց հետագա պայքարից:
-Ես շատ եմ հպարտանում ակումբով և խաղացողներով, և չնայած արդյունքում մենք դուրս մնացինք, այսօր մենք ապացուցեցինք, թե ինչու ենք աշխարհի ֆուտբոլային ընտանիքի մի մասնիկը կազմում: Տրիբունաներում տիրող մթնոլորտը և այն, որ քիչ էր մնում հաղթահարեինք այս զգալի խոչընդոտը, երեկոն իսկապես ֆենոմենալ դարձրին:
Ակնհայտ է, որ մենք այս դիմակայությունում պարտվեցինք դեռ Ռուսաստանում: Երկրպագուներն ու խաղացողները պարզապես չէին կարող ավելին անել: Մինչդեռ այն, որ մենք գրեթե հաղթեցինք, ինձ հպարտանալու մեծ առիթ է տալիս,- հայտնել է Ռոջերսը:
«Լիվերպուլի» գլխավոր մարզիչը նշել է նաև, որ իր թիմը պետք է 11 մետրանոց ստանար երկրորդ խաղակեսի սկզբին, քանի որ «Զենիթի» պաշտպան Տոմաշ Գուբոչանը ձեռքով խաղաց տուգանային հրապարակում:
-Սա ակնհայտ 11 մետրանոց էր,- ավելացրել է մասնագետը: The Guardian
