«Լիվերպուլի» գլխավոր մարզիչ Բրենդան Ռոջերսը կարծում է, Լուիս Սուարեսի ազդեցությունն իրենց խաղի վրա շատ մեծ է:
«Կարմիրների» ուրուգվայցի ռմբարկուն գոլ չի խփել վերջին հինգ խաղերում: Սակայն Ռոջերսը կարծում է, որ Սուարեսը մեծ ազդեցություն է ունենում թիմի արդյունավետության վրա:
-Կարծում եմ, որ նա շարունակում է լավ խաղալ: Նա այժմ գոլային պահեր է ստեղծում թիմակիցների համար և շարունակում է մեծ աշխատանք կատարել:
Մեր վերջին 33 գոլերից 4-ը Սուարեսն է խփել և դա ցույց է տալիս, որ մենք թիմային ֆուտբոլ ենք խաղում: Նա փայլուն ֆուտբոլիստ է, ով խաղում է թիմի հաջողության համար,- Ռոջերսի խոսքերն է մեջբերում Daily and Sunday Express-ը:
