«Լիվերպուլի» գլխավոր մարզիչ Բրենդան Ռոջերսը կարծում է, որ Լուիս Սուարեսը պետք է որևէ քայլ անելուց առաջ մտածի թիմի երկրպագուների մասին:
«Էնֆիլդից» հեռանալու և «Արսենալի» հետ բանակցություններ սկսելու Սուարեսի ցանկությունը երկրպագուների մոտ փոխել է վերաբերմունքն ուրուգվայցի հարձակվողի նկատմամբ, ինչի համար էլ Ռոջերսը Լուիսին խորհուրդ է տվել հաշվի առնել այդ կարևոր հանգամանքը:
-Անհավանական էր այն աջակցությունը, որ նա ստանում էր ակումբի երկրպագուների և Լիվերպուլի բնակիչների կողմից: Որոշակի խնդիրների պատճառով նա մի քանի խաղ բաց թողեց, և երկրպագուները նրա համար այնպես էին անհանգստանում, կարծես իրենց սեփական տղան լիներ:
Դա այնպիսի բան է, որ երբեք չի մոռացվի,- Ռոջերսի խոսքերն է մեջբերում Liverpool Daily Post-ը:
