«Լիվերպուլի» հարձակվող Մոհամեդ Սալահը Աֆրիկայի գավաթի խաղարկությունում Եգիպտոսի հավաքականի կազմում հանդես գալու ժամանակ ազդրի վնասվածք է ստացել։
Սալահը Գանայի հավաքականի դեմ խաղի առաջին խաղակեսի վերջնամասում հայտնվեց խոտածածկին՝ բռնած ձախ ոտքը։ Առաջին բուժօգնություն ստանալուց հետո Մոհամեդը հասկացրեց, որ ինքը այլևս չի կարող շարունակել խաղը և պետք է փոխարինվի:
31 ամյա Սալահի խաղադաշտը լքելուց մեկ րոպե անց եգիպտացիները հայտնվեցին պարտվողի կարգավիճակում։ Այս պահին Եգիպտոսի հավաքականը առաջնությունում ացկացրած երկու խաղերից հետո ունի ընդամենը երկու միավոր։
Գանացիների դեմ ոչ-ոքիից (2-2) հետո Եգիպտոսի գլխավոր մարզիչ Ռուի Վիտորիան հայտարարեց, որ դեռ վաղ է Սալահի վնասվածքի մասին կանխատեսումներ անելը։
«Իհարկե, մենք մտահոգված ենք, բայց հուսով ենք, որ դա լուրջ վնասվածք չէ», – Վիտորիայի խոսքերն է մեջբերում Sky Sports-ը:
Ավելացնենք, որ այս մրցաշրջանում Սալահը «Լիվերպուլի» կազմում 18 գոլ է խփել, որոնցից՝ 14-ը՝ Պրեմիեր լիգայում։
