Այսօր «Սթեյդիում օֆ Լայթ» մարզադաշտում տեղի ունեցավ Պրեմիեր Լիգայի 2-րդ տուրից հետաձգված «Սանդերլենդ» – «Ռեդինգ» հանդիպումը: «Սանդերլենդը» անհաջող ելույթներից հետո վերջապես կարողացավ հաղթանակ տանել և լքել վտանգավոր գոտին: Խաղի հենց սկզբում «սև կատուները» առաջ անցան հաշվի մեջ: Գոլի հեղինակ դարձավ Ջեյմս Մակքլին՝ 1:0: Իսկ 28-րդ րոպեին կրկնապատկեցին հաշվի առավելությունը: Դենի Ռոուզի փոխանցումից հետո աչքի ընկավ Սթիվեն Ֆլետչերը՝ 2:0: Երկրորդ խաղակեսի վերջնամասում «Սանդերլենդը» ևս մեկ գոլ ուղարկեց «Ռեդինգի» դարպասը և հաղթեց 3:0 հաշվով: Գոլի հեղինակ դարձավ Ստեֆան Սեսենյոնը՝ 3:0:
Գոլեր. Մակքլին՝ 3ր, Ֆլեթչեր՝ 28ր, Սեսենյոն՝ 90+4ր
