«Արսենալի» կիսապաշտպանններ Սանտի Կազորլան և Թեո Ուոլկոտը սկսել են մարզումները և կկարողանան իրենց թիմին օգնել «Նորվիչի» դեմ խաղում:
Ինչպես հայտնի է, Կազորլան բաց թողեց «Տոտտենհեմի» հետ լոնդոնյան դերբին, որից հետո միացավ Իսպանիայի հավաքականին և վնասեց ոտնաթաթը:
Ինչ վերաբերվում է Ուոլկոտին, ապա նա նախորդ ամիս վիրահատվեց և վերադարձը սպասվում էր նոյեմբերին, սակայն վերականգնումն ավելի արագ ստացվեց:
Goal-ի հաղորդմամբ, Կազորլան արդեն ամբողջ ծրագրով մասնակցում է մարզումներին: Ուոլկոտը նրան կհետևի մի քանի օր հետո: Սպասվում է, որ «Արսենալի» մարզչական շտաբն ամեն դեպքում ռիսկի չի գնա Թեոյի հարցում և նրան կպահի Չեմպիոնների Լիգայում «Բորուսիայի» դեմ խաղի համար:
Ավելացնենք, որ «զինագործներից» դեռ վնասվածք ունեն Բակարի Սանյան, Աբու Դիաբին, Ալեքս Օքսլեյդ-Չեմբերլենը և Լուկաս Պոդոլսկին:
