![](https://premierleague.am/v22/wp-content/uploads/2023/06/sam.jpg)
Ինչպես և սպասվում էր, «Լիդսը» հաստատել է իր գլխավոր մարզիչ Սեմ Էլլարդայսի հետ բաժանումը։
68 ամյա Էլլարդայսը գլխավորեց «Լիդսը» մրցաշրջանի վերջին չորս խաղերում, սակայն վաստակեց ընդամենը մեկ միավոր և չկարողացավ կանխել «սպիտակների» անկումը Պրեմիեր լիգայից:
Նախօրեին Էլլարդայսը զրուցել է «Լիդսի» գործադիր տնօրեն Անգուս Կինների հետ, և որոշվել է դադարեցնել համագործակցությունը «կողմերի փոխադարձ համաձայնությամբ»։
«Պատիվ էր գլխավորել «Լիդսը», հիանալի ակումբ, որն ունի անհավանական երկրպագուներ, որն արժանի է Պրեմիեր լիգայում խաղալուն: Շատ հաճելի էր աշխատել ակումբի անձնակազմի և խաղացողների հետ, և ես կցանկանայի շնորհակալություն հայտնել Անգուս Կիններին այս հնարավորության համար: Նաև ես կցանկանայի գնահատել Կարլ Ռոբինսոնի և Ռոբի Քինի հիանալի աշխատանքը, ովքեր անխոնջ աշխատել են վերջին շաբաթներին»:
«Իմ կարիերայի այս փուլում ես վստահ չէի, թե արդյոք պետք է ընդունեմ այս մարտահրավերը, քանի որ դա պոտենցիալ երկարաժամկետ նախագիծ է: Բայց ես ակումբին մաղթում եմ ամենայն բարիք ապագայում և հույս ունեմ, որ ակումբը կվերադառնա Պրեմիեր լիգա, որտեղ նրանք պետք է հանդես գամ», – ասել է Էլլարդայսը: