«Տոտտենհեմի» հարձակվող Սոն Հին Մինը բացատրել է, թե ինչո՞ւ է հրաժարվել Սաուդյան Արաբիա մեկնելուց:
Այս ամառվա սկզբին հաղորդվում էր, որ «Ալ Իթիհադը» Սոնին առաջարկում է տարեկան 25 մլն ֆունտ ստերլինգ աշխատավարձով պայմանագիր:
Այնուամենայնիվ, 31 ամյա հարավկորեացին նախընտրում է խաղալ Պրեմիեր լիգայում և չի ցանկանում հեռանալ «Տոտտենհեմից» նման վատ մրցաշրջանից հետո։
«Հավանաբար, եթե ես ցանկանայի խաղալ այնտեղ, ես արդեն այնտեղ կլինեի, ոչ թե այստեղ»:
«Ես սիրում եմ ֆուտբոլ խաղալ, այո՛ գումարը նույնպես կարևոր է: Իմ երազանքը Պրեմիեր լիգայում խաղալն է, և ես դեռ շատ բան ունեմ այստեղ անելու: Անհամբեր սպասում եմ այս մրցաշրջանին, հատկապես նախորդ մրցաշրջանից հետո, երբ ֆիզիկական խնդիրներ ունեյի»:
«Դա այն Սոնը չէր, որին ես ճանաչում եմ: Այս մրցաշրջանում ես ուզում եմ ցույց տալ այն Սոնին, որին մենք բոլորս գիտենք: Ես ուզում եմ դա ապացուցել ինքս ինձ և շնորհակալություն հայտնել այն ակումբին, որի գույները ես այսքան ժամանակ պաշտպանում եմ»:
«Այս պահին շատ մարդիկ են գնում Սաուդյան Արաբիա, և դա շատ, շատ հետաքրքիր է թվում, բայց իմ երազանքն է խաղալ Պրեմիեր լիգայում, և ես անհամբեր սպասում եմ այս մրցաշրջանի մեկնարկին», – Սոնի խոսքերն է մեջբերում Daily Star-ը։
