«Մանչեսթեր Սիթիի» գործադիր տնօրեն Ֆերրան Սորիանոն պատմել է, թե ինչու ութ տարի առաջ Խոսեպ Գվարդիոլան «Բարսելոնայի» գլխավոր մարզչի համար պայքարում հաղթեց Ժոզե Մոուրինյոյին։
Հաջորդ մրցաշրջանից Գվարդիոլան և Մոուրինյոն կվերականգնեն իրենց մրցակցությունն, այժմ արդեն Պրեմիեր Լիգայի մակարդակով։ Իսպանացին կմարզի «Մանչեսթեր Սիթին», իսկ պորտուգալացին՝ «Յունայթեդը»։
2008 թվականին Սորինանոն, ով ղեկավար պաշտոն էր զբաղեցնում «Բարսելոնայում», փոխարինող էր փնտրում Ֆրանկ Ռայկարդին և մտածում էր Մոուրինյոյի թեկնածության մասին։
Սակայն ընտրությունը կատարվեց օգուտ անփորձ Գվարդիոլայի, ով 4 մրցաշրջանների ընթացքում 2 անգամ հաղթեց Չեմպիոնների Լիգան։ Իր ինքնակենսագրականում Ֆերրանը փորձել է պարզաբանել, թե Ժոզեի անձի որ գծերը նրան չեն գոհացրել։
-Նրանք երկուսն էլ բարձր որակներ ունեն և երևում է, որ գտնվում են երևակայական սանդղակի հակառակ ծայրերում։ Մի կողմին հաջողության հասած փորձառու մարզիչ է, ով ունի ուժեղ բնավորություն, իսկ մյուս կողմին շատ տաղանդավոր անհատականություն, ով բացարձակ ծանոթ է ակումբին, սակայն մարզչական մեծ փորձ չունի։
Մարզիչն ակումբի ամենօրյա, մշտական ներկայացուցիչն է։ Նա պետք է մշտապես զգուշավորություն ցուցաբերի։ Պետք է հարգի մրցակիցներին, մրցավարներին, լրագրողներին և այլ կառույցներին։ Դա ֆեյր-փլեյն է։ Նա չպետք է վիրավորի լրատվամիջոցներին կամ ստեղծի տարաձայնություններ։
Մոուրինյոյի մարզչական մեթոդները գրեթե միշտ վեճեր են ստեղծում մեդիայի հետ, իսկ դա ակումբի ներսում կոնֆլիկտի պոտենցիալ աղբյուր է,֊ Սորիանոյի խոսքերն է մեջբերում Manchester Evening News֊ը։
