«Վեստ Հեմը» երկարաձգել է պայմանագիրն իր պաշտպան Ուինսթոն Ռիդի հետ: Բացի այդ, ակումբը համաձայնեցրել է «Շախտյորի» պաշտպան Ռազվան Ռացի տեղափոխությունն այս ամռանը:
Վերջին երկու մրցաշրջաններում Ռիդը համարվում է թիմի հիմնական խաղացողը: Նա օգնեց ակումբին վերադառնալ Պրեմիեր Լիգա և արժանի հանդես գալ այս առաջնությունում:
Այժմ հայտնի է դարձել, որ 24-ամյա կենտրոնական պաշտպանը երկու տարով երկարաձգել է պայմանագիրն ու հանդես կգա «Վեստ Հեմում» մինչև 2015 թվականը:
Բացի այդ, այս ամռանը «Վեստ Հեմ» է տեղափոխվելու փորձառու ձախ պաշտպան Ռացը՝ Ռումինիայի ազգային հավաքականի ավագը, որի կազմում 88 հանդիպում է անցկացրել:
Ընթացիկ մրցաշրջանի ավարտից հետո լրանում է Ռազվանի պայմանագիրը «Շախտյորի» հետ: 31-ամյա ֆուտբոլիստը որոշել է ուժերը փորձել անգլիական Պրեմիեր Լիգայում:
