«Վեստ Հեմ Յունայթեդը» պաշտոնապես հայտնել է Լոնդոնի Օլիմպիական մարզադաշտի 99 տարով վարձակալության մասին: Արդեն երեք տարի հետո «Վեստ Հեմը» իր տնային հանդիպումները կացնկացնի 54 հզր նստատեղ ունեցող մարզադաշտում:
Ակումբը մարզադաշտի նստատեղերը այժմյա 80 հազարից կհասցնի 54 հազարի: Վարձակալության պայմանագրով նախատեսված է, որ պետք է պահպանվեն դաշտի շուրջը եղած վազքուղիները:
Նախատեսված է, որ «Վեստ Հեմը» 2016/17 մրցաշրջանը կսկսի Օլիմիպիական մարզադաշտում, ինչը նշանակում է, որ 150 մլն արժողությամբ վերակառուցման աշխատանքները ավարտված կլինեն 2016 թվականի ամռանը:
Պաշտոնական հաղորդագրության մեջ «Վեստ Հեմը» պայմանագրի ստորագրման օրը համարել է պատմական:
