«Տոտտենհեմի» գլխավոր մարզիչ Անդրե Վիլաշ-Բոաշը խոստովանել է, որ գոհ է «Չելսիի» հետ խաղի արդյունքից և այժմ հույս ունի, որ իր մրցակիցներից որևիցե մեկը միավորներ կկորցնի:
Պրեմիեր Լիգայի երեք ակումբներ այժմ պայքարում են Չեմպիոնների Լիգայի երկու ազատ տեղերի համար: Վիլաշ-Բոաշը հույս ունի, որ ոչ միայն իրենք կհաղթեն մնացած երկու հանդիպումներում, այլև մրցակից թիմերը կպարտվեն:
-Պետք է կատարենք մեր աշխատանքը ու հուսանք, որ ինչ-որ մեկը կպարտվի: Պրեմիեր Լիգան բացարձակապես անկանխատեսելի է, և մենք հույս ունենք, որ ամեն ինչ կլինի՝ հօգուտ մեզ:
Լավ է, որ մենք միավոր վաստակեցինք: «Չելսին» չափազանց վտանգավոր էր գրոհների ժամանակ: Չափազանց գոհ եմ նրանից, թե ինչպես գործեցին իմ տղաները երկրորդ խաղակեսում: Մենք խառնվածք ցույց տվեցինք, որը միավորում է մեզ մրցաշրջանի ընթացքում:
Այժմ որևէ մեկը դեռ պետք է միավորներ կորցնի, սակայն մենք կենտրոնացել ենք մեր աշխատանքի վրա: Պրեմիեր Լիգայում ամեն ինչ էլ հնարավոր է,- հայտնել է Վիլաշ-Բոաշը: BBC
