Ինչպես հաղորդում են բրիտանական թերթերը, «Չելսիի» կիսապաշտպան Վիկտոր Մոզեսը վարձավճարով տեղափոխվեց «Լիվերպուլ»:
Լոնդոնյան ակումբը որոշել է 1 մլն ֆունտի դիմաց 1 տարի ժամկետով բաժանվել 23-ամյա վինգերից: «Կարմիրները» նաև իրավունք են ստացել 1 տարի հետո գնել ֆուտբոլիստի ամբողջական տրանսֆերային իրավունքները:
Հիշեցնենք, որ Մոզեսը «Ուիգանից» «Չելսի» տեղափոխվեց 9 մլն ֆունտով: Լոնդոնցիների կիսապաշտպանությունում մրցակցության ուժեղանալուց հետո Վիկտորը տեղ չէր գտնում հիմնական կազմում:
