«Մանչեսթեր Յունայթեդի» գլխավոր մարզիչ Էրիկ Տեն Հագն հայտարարել է, որ իր թիմին չեն անհանգստացնում «Լիվերպուլի» ձգտումները:
Կիրակի օրը «Վեստ Հեմից» կրած 1:0 հաշվով պարտությունը «Յունայթեդին» թողեց ընդամենը մեկ միավորի առավելություն «Լիվերպուլի» նկատմամբ, որը հաղթել է Պրեմիեր լիգայի վերջին վեց հանդիպումներում:
Սակայն «Յունայթեդը» ոչ միայն մեկ միավորի առավելություն ունի, այլև մեկ հանդիպում պակաս քան «կարմիրները», ուստի Տեն Հագին չի անհանգստացնում «Լիվերպուլի» ձեռք բերած մարզավիճակը։
«Արդյո՞ք «Լիվերպուլի» շարքն ազդել է «Մանչեսթեր Յունայթեդի» վրա: Խոսքը ոչ թե «Լիվերպուլի», այլ մեր մասին է: Որովհետև եթե նայեք աղյուսակին, ամեն ինչ մեր ձեռքերում է»:
«Եթե մենք խաղանք մեր խաղը և համապատասխանենք մեր չափանիշներին, մենք կհաղթենք հանդիպումներում: Պետք չէ, որ մենք ուրիշներին նայենք, մենք պետք է նայենք ինքներս մեզ: Մենք պետք է ճանապարհ գտնենք մեր նախկին մակարդակին վերադառնալու համար»:
«Ոչինչ չի փոխվել: Մենք կարող էինք մեզ համար հեշտացնել կյանքը՝ հաղթելով այստեղ, բայց չստացվեց, և հիմա մենք պետք է հաղթենք մնացած չորս հանդիպումներից գոնե երեքում: Ամեն ինչ մեր ձեռքերում է: Մենք պետք է հավատանք ինքներս մեզ:»
«Այս մրցաշրջանում մենք մի քանի լուրջ անհաջողություններ ունեցանք, և ամեն անգամ արձագանքեցինք: Պետք է նորից բնավորություն ցույց տանք և շարունակենք պայքարել», – Տեն Հագի խոսքերն է մեջբերում Sky Sports-ը:
