«Չելսին» պաշտոնապես հայտնել է իր հարձակվող Ֆերնանդո Տորրեսին երկու տարի վարձակալությամբ իտալական «Միլանին» տալու մասին:
Երկու տարվա վարձակալությունը նշանակում է, որ Ֆերնանդոն չի վերադառնա «Սթեմֆորդ Բրիջ», քանի որ լոնդոնյան ակումբի հետ նրա պայմանագիրը ուժի մեջ է մինչև 2016թ-ը:
2011թ-ի հունվարին «կապույտները» Տորրեսին «Լիվերպուլից» գնեցին 50 մլն ֆունտով: «Չելսիի» հետ Ֆերնանդոն հաղթեց Չեմպիոնների Լիգան, Եվրոպա Լիգան և Անգլիայի գավաթը:
30-ամյա իսպանացու համար «Չելսիում» ամենաարդյունավետ մրցաշրջանը 2012/13-ն էր, երբ Տորրեսը բոլոր առաջնություններում միասին դարձավ 22 գոլի հեղինակ:
