«Արսենալի» լեգենդ Փոլ Մերսոնը ակնկալում է, որ «Չելսին» և «Մանչեսթեր Յունայթեդը» այս մրցաշրջանը կավարտեն Պրեմիեր լիգայի լավագույն 4-յակից դուրս:
Չնայած «Լիվերպուլի» դժվարին մեկնարկին և «Արսենալի»՝ «Մանչեսթեր Յունայթեդից» կրած պարտությանը, Մերսոնը հավատում է և՛ «կարմիրներին», և՛ «զինագործներին»: Բայց Գրեհեմ Փոթերին Փոլը չի նայում որպես մեկին, ով կարող է «Չելսիին» բարձրացնել լավագույն քառյակ:
«Դեռ շատ վաղ է, բայց ես կարծում եմ, որ Պրեմիեր լիգայի լավագույն 4-յակը կլինի «Մանչեսթեր Սիթին», «Լիվերպուլը», «Տոտտենհեմը» և «Արսենալն» այս կամ այն հերթականությամբ»:
««Չելսին» դեռ պետք է ասի իր կարծիքը, բայց մենք պետք է տեսնենք, թե ինչպես Փոթերը հանդես կգա «Սթեմֆորդ Բրիջում»»:
«Ինչ վերաբերում է «Մանչեսթեր Յունայթեդին», ես կարծում եմ, որ նրանք նույնպես չեն հայտնվի լավագույն քառյակում, քանի որ նրանք դեռ շատ աշխատանք ունեն անելու իրենց թիմում: Նրանք չորս անընդմեջ հաղթանակներ են տարել առաջնությունում, այդ թվում՝ «Լիվերպուլի» և «Արսենալի» դեմ, բայց նրանք միևնույնն է ինձ չեն կարողացել համոզել»։
««Արսենալը» լավն է, և ես հավատում եմ նրանց երկարաժամկետ հեռանկարին: Նաև հավատում եմ, որ «Լիվերպուլը» կբարելավի իր վիճակը առաջիկա շաբաթների ընթացքում և տեղ կզբաղեցնի Չեմպիոնների լիգայի գոտում»,- Մերսոնի խոսքերն է մեջբերում Sky Sports-ը։
