«Քուինս Պարկ Ռեյնջերսի» նախագահ Թոնի Ֆերնանդեսը հայտնել է, որ կիսապաշտպան Ջո Բարթոնը ստիպված կլինի հանդես գալ Չեմպիոնշիփում, եթե «Մարսելը» չկարողանա գնել նրա տրանսֆերը:
30-ամյա անգլիացին չի թաքցնում, որ ցանկանում է մնալ Ֆրանսիայում: Վերջին մեկ տարվա ընթացքում Բարթոնը խոստովանել է, որ «ՔՊՌ» է տեղափոխվել գումարի համար և հեռանկար չի տեսնում «Լոֆտուս Ռոուդում»:
-Եթե Ջոն և «Մարսելը» տրանսֆեր են ցանկանում, ապա մենք կխոսենք: Մինչդեռ նա «ՔՊՌ»-ի ֆուտբոլիստ է և պայմանագիր ունի մեզ հետ:
Նա օգնեց «Նյուքասլին»՝ դուրս գալու Չեմպիոնշիփից: Որոշ մարդիկ ասում են, որ մեզ չի բավականացնում պայքարող ոգին կիսապաշտպանությունում:
«Մարսելը» պետք է առաջարկ անի: Ջոն պայմանագիր ունի և կարող է օգտակար խաղացող լինել «ՔՊՌ»-ի համար: Եթե նա ցանկանում է վերադառնալ «Մարսել», ապա մեզ պետք է ձեռնտու լինի ֆինանսական կողմը: Մինչդեռ ես կարծում եմ, որ նա դեռ «ՔՊՌ»-ի ֆուտբոլիստ է, և ամռանը նա կվերադառնա,- հայտնել է Ֆերնանդեսը: QPR Player
